Issiq suv qozoni

Yuzalarining bir tomonida issiqlik qabul qiluvchi muhit sifatida suv, ikkinchi tomonida esa yoqilgʻining yonishidan hosil boʻlgan gazlar oʻtadigan olov-tutun quvurlari va yonish kamerasi boʻlgan, yopiq tizimda ishlaydigan va atmosfera bosimidagi toʻyingan bugʻ harorati boʻlmish 100 °C dan past issiq suv ishlab chiqaradigan bosimli idishlar issiq suv qozoni deyiladi. Bu idishdagi bosimning asosiy sababi gidrofor yoki tarmoqdan keladigan dastlabki suv bosimidir. Suvning isishidan hosil boʻladigan bosim taʼsiri deyarli sezilmaydi. Shu sababli devor yoki oʻchoqda yuzaga keladigan yorilish yoki darzlar qozonxonada vayronagarchilikka olib kelmaydi.